لاڑکانہ میں باراتیوں کی بس کو حادثہ، 4 بچوں سمیت 8 افراد ہلاک 40 زخمی ، ہلاکتوں میں اضافے کاخدشہ

 

لاڑکانہ(ڈیلی پاکستان آن لائن )باراتیوں سے بھری ہوئی بس الٹنے سے چار بچوں سمیت آٹھ افراد ہلاک جبکہ 40 زخمی ہوگئے۔

حادثے کی اطلاع ملتے ہی پولیس اور امدادی اداروں کی ٹیمیں موقع پر پہنچ گئیں،جنہوں نے زخمیوں کو مختلف ہسپتال میں منتقل کردیا ہے، حادثے کے بعد ہسپتال میں ایمرجنسی نافذ کردی گئی ہے۔پولیس کے مطابق ہلاک ہونے والوں میں چار بچے،دو خواتین اور دو مردشامل ہیں۔ہسپتال انتظامیہ کا کہنا ہے کہ 40 زخمیوں میں سے 18 کی حالت تشویشناک ہے،ہلاکتوں میں اضافے کا خدشہ ہے۔حادثہ لاڑکانہ بائی پاس کے قریب پیش آیا۔